18 - Arboti VTT

Berrieix ostatutik, San Martin Harriko (D113) edo Soudet-eko lepoko bidean gora jarraitu, 4 km baino gehiagoz. Soudet mendateko errepideko maldak % 12raino iristen dira etengabe hurrengo bi kilometroetan. Ühaitzako kunboa igarota (2,6 km), malda lasaitzen da berriro, eta errepideak oihanean barna segitzen du, bidegurutzerik gabe, Iratzordokiko ordokira arte (seinalea).

Iratzordokiko ordokiaren bihurgunean (4,6 km), errepidea utzi eta ezkerreko bide harritsua hartu (aterpea eta abereentzako eskorta). Zubia zeharkatu du eta beste aldeko ertzetik igo luzaz, lehenik oihanean zehar, eta laster landa irekian. Bihurgune itxi bat igaro (6,2 km) eta Santa Grazi haranean zehar balkoi moduan aurrera doan bide nagusi zabaletik jarraitu. Aldapa sendorik gabe, pistak hainbat haran eta Arbotiko pagadi-izeidi ederra zeharkatzen ditu. Eskuineko bigarren mailako bidea utzi (8,1 km) eta zuzen jarraitu. 600 metro aurrerago, ezkerreko Espildoiko bidezidorra utzi ere. Azkenik, abereentzako eskorta dagoen soilgune txikira iritsi (9,7 km). Puntu garrantzitsua da hau, pista 100 metro aurrerago utzi behar delako.

Abereentzako eskorta dagoen soilgunetik 100 metro harago, eta pudinga-bloke harritsuaren ondotik (9,8 km), Arbotiko pista utzi eta ezkerrera jaitsi oihan-bidexka bihurgunetsutik. Ondotik, bidexka ezkerrerantz doa eta soilgune bateko Y bidegurutzera iritsten da (10 km): zuzen jarraitu, iratze artean, mendi-hegaleko bidezidorretik, eta, gero, pagadi argia azkar zeharkatu. Blokeen artean, eskuin hartu malda irekitik jaisteko (iratzeak). Bihurgune itxietan gaindi jarraitu eta gero ezkerretik pasa, bi pago isolatuen azpitik, ordoki belartsu txikira iristeko (10,5 km). Maldan behera jarraitu, sigi-saga iratzeen artean, beherago ezkerretara abereentzako bidezidor horizontalera iritsi arte. Bigarren zapaldan (10,8 km - abereentzako atsedenlekua), bidezidorra zuzen jaisten da maldan behera ibarbidearen hondorantz. Maldaren oinean, pista belartsua laster kanoi txiki bilakatzen den errekaren eskuineko ertzetik jaisten da. Pixkanaka zabalduz doan eta, bordaren azpian, eremu harritsutik igarotzen den bidetik jarraitu (kontuz). Oihan-estalkiaren azpiko hezegunearen ondotik, bidezidorrak une batez agerian segitzen du, eta, gero, berriro maldan behera jausten da, Santa Grazi gaineko hesira iritsi arte (11,7 km): bidezidorra hesiaren bazterretik doa eskuinerantz, eta, ondotik, berriro eskuinerantz (abiadura motelean igaro beharreko pasarte teknikoak). Bihurgune itxi batzuen eta zintzurraren ondoren, pasatu ondotik itxi beharko atexka batera eta bide harritsu batera iristen da. Ezkerrerantz jarraitu herrira itzultzeko. Herriko seinaletik gertu D113 errepidea moztu, eta eliza gaineko bidexka belartsutik jarraitu. Beherean, eskuinera hartu aparkalekura itzultzeko.