A PONTE DE SIGÜEIRO

Estamos chegando a Santiago de Compostela. Cruzando o río Tambre entramos no territorio municipal compostelán. Se cruza o río por unha das pontes que mandou construír Fernán Pérez de Andrade O Bo no século XIV. E para que quedara constancia deste feito, o seu promotor mandou colocar un escudo no que se di que rematou a obra. Reformas posteriores retiraron a pedra de armas que agora se conserva no Museo Arqueolóxico e Histórico “Castelo de Santo Antón”, da Coruña.

Esta ponte foi unha infraestrutura importante no camiño real de Santiago de Compostela cara á Coruña, Betanzos e Ferrol. Por el pasaron e pasan milleiros de peregrinos cara a Compostela, tamén viaxeiros nobres e xentes populares. A ponte pode dar testemuño de moitas historias, como das loitas de Diego Xelmírez e da raíña dona Urraca ou do intento de secuestro da filla de Gómez Pérez das Mariñas por parte de Álvaro Pérez de Moscoso.