La Rhune - Larrun (Miramar) -
Description
Izan gaitezen usaiako edo noiztenkako ibiltari, Larrun gailurrerako ibilaldia saihestezina da, gailur hau hain orotan agertzen baita Lapurdiko paisaian. Egiazko erronka batzuentzat, oxigenatzeko ibilaldia besteentzat, ibiltari eta mendi lasterketazaleak erakartzeko iman bat izaten da Larrun, isurialde guzietatik igo daitekeena. Bidexka zut eta arrokatsuek ekipamendu egokitu bat ukaitera behartzen gaituzte, espartinak hondartzako zakuan egon daitezke, izatekotz, ibilalditik itzultzerakoan erabiliko baititugu. Zerua argi-argia delarik, ozeanoan sortzen den gailur honek eskaintzen duen ikuspegia oso zabala da, Landesetako hondartzetatik Pirinioetako lehen gailurretaraino. Arrazoi guziez gutiziatua den ikuspegia, hara nondik datorren publiko kopurutsu eta nabarra, tren ttipiko bidaiariak eta mendiko lasterkariak nahasten direla eta.
Technical Information
Altimetric profile
Starting point
Steps
Aparkalekutik “aranondoko” bidegurutzera
Harrobien aparkalekuaren gaineko zatian (135 m - komunak), eskuin hartu, oihanean lehen bihurgune bat marrazten duen bidexkan. Doi bat gorago, bide zabala moztu eta parean igotzen segitu bidexka arrokatsuan. Bide zabal batera heltzen da, igotzean segitzen dena, otez eta iratzez apaindutako patarrean bihurgune handi bat marrazteko. Gero, Iturriederreta ibarxkan sartu; handik Larrun gailurra ikusten dugun. Bide zabalean segitu etxola bat eta bi pago iragan ondotik.
Ihizelai eta Miramar goi-zelaietan
Erreka baten pasabidean (aranondo eta ezponda), bidegurutze batera heldu (388 m): parean den bidexka utzi eta eskuin segitu bide zabalean. Borda baten ondotik, artzain-ibarxka bat eskuinaldetik igo, Larrunera eta itsasbazterrerako ikuspegiarekin. Ondotik, Ihizelai goi-zelaia ezkerretik zeharkatu, zuhaitz lerro batera hurbiltzeko. Errekasto bat eta gero (518 m), nekosta zokotik ezker ibili eta bide zabalena segitu (eta eztiena). Kapera baten ondotik pasatu eta, hurrengo Y gunean, ezker, pinu landako goi-buruan den bidea hartu, kasko borobildua iragan arte.
Errepausu lepoa eta Larrunerako azken igoaldia
Bidexka batzuen elkargunera iritsi (550 m), ibi lauzatutik hurbil: eskuineko bidexka hautatu, iratze artean. Bi minututan, Errepausu lepora iristen da (574 m); ezkerreko bidexkan segitu, Larrunen parean. Bidexka argigune batetik igotzen da, eta azken zuhaitzen heinean, eskuinera doa azken igoaldia hasteko, agerian. Bide nagusiko bihurgune erregularretan egon, lauza lodiz hornitua. Bukaeran, taulatxo hori batek lurrezko bidexkatik zati zutenean bukatzeko seinalatzen du, bi koloreetako antena begiztatuz. Tren ttipiko burdinbidea zeharkatu eta eskailerak igo orientazio mahairaino.
Errepausu lepora itzultzea
Larrunek eskaintzen duen ikuspegi zoragarriaz eta bere terrazetaz gozatu ondotik (905 m), ibilbide beretik jaitsi (bihurguneak moztu gabe higadura murrizteko) Errepausu leporantz (574 m). Lepoan, iratzedian den bidexka berriz hartu eskuin, hurrengo bidegurutzeraino.
Iturriederreta ibarxkatik jaitsi
Ibi lauzatutik hurbil den bidegurutzean (550 m), aldi honetan ezkerrean utzi igoaldiko ibilbidea eta erreka eskuinaldera zeharkatu. Segidan, ezkerrera joan zuhaitzen azpitik, bidexka seinalatua segitzeko (“harrobien” norabidea). Oihan misto batean jaisten da eta, ondotik, kasko borobilduaren gainera jaisten, uharri eta harri mokorren artetik. Behereko zatian, erreka baten ezkerreko hegira pasatu ikuspegi zabaleko bidexkan segitzeko. Horrela, aranondotik hurbil, etortzerakoan hartu duzun bide zabala berriz topatzen duzu; zuzen jaitsi aparkalekura itzultzeko.
Points of interest
Etxola
Larrungo hareharri mokorrez osatutako paretak, harri zabaleko lauza zabalak zurezko zureri sendo baten gainean pausatuak, etxola noiztenkako olha bat da, luzaz abeltzainek erabiltzen zutena. Oinarrizko aterpea baina oso baliagarria, betidanik artzainari eskainitako goiko lur horietan.
Miramarko kapera (3,3 km)
Kapera ttipia eta diskretutik hurbil, atseden hartu Miramarko goi-zelai zintzilikaturako ikuspegi orokorraz gozatzeko. Egiazko balkoi bat ozeanora, herria eta gailurraren artean, amestera gomitatzen gaituen mendi zoko batean.
Obeliskoa, Eugenia de Montijo-ren omenaldiz
Napoleon III.aren esposa zen Eugenia de Montijo enperatrizari anitz gustatzen zitzaion Euskal Herria, bere jatorrizko Espainiatik hurbil, eta maiz egoten zen Biarritzen, bere zerbitzariez lagundurik. Ibilaldi bat antolatu zuten, oinez eta mandoz, 1859ko irailaren 30ean; obeliskoak epopeia hura du goresten.
Pudinga mokorrak
Larrungo hareharri gorriez bestalde, pudinga formazio arrokatsuak ere mendigunearen ezaugarri enblematikoak izaten dira. Arroka detritikoak dira (edo konglomeratuak), erreketan biribilkatutako eta sakonera ttipiko zuloetan sedimentutako uharriz osatuak, buztin oinarrizko zementu natural batekin.
Eremu hezeak eta jale handiak diren landareak
Bideen elkargunean, etengabeko jariatze batek eremu heze baten mantentzea segurtatzen du. Goroldioek eta esfagnoek lur arola estaltzen dute, baina eguzki-ihintz batzuk ere aurki ditzakegu, babestuak diren landare ttipiak, zeinen berezitasuna intsektujaleak izatea baita.
Additional information
Balisage
Trait - Balisage directionnel sur supports locaux
Typologie de l'itinéraire
Itzulia
Equipements
Ur-gunea
Komunak
Elikatze-puntua (epizeria, ostatatzea)
Thèmes
Natura (fauna, flora)
Data author
