Already registered ? Log in
O CASAL

O CASAL

Pequena cala con moito encanto. Resulta complicado o acceso ao quedar esta enmarcada por tres puntas moi características desta abrupta costa: Punta Castelo, Corveiro e Ferruxeda.

Praia do Casal
Neste tramo da costa é posible descubrir praias de fina area, como esta praia do Casal, longa e con auga doce, alimentada polo regato de Vilarquinte, agochada entre os cabos rochosos e estratéxicos saíntes onde se pesca unha excelente e esquiva robaliza.

Aínda que é posible chegar a ela, é unha praia de difícil acceso. Esta praia permite observar unha grande diversidade, tanto de flores salvaxes e de especies mariñas como de minerais. O traballo do mar crea unhas rochas moi peculiares. Illas e illotes cheos de lendas sucédense e adoptan formas e cores diferentes. Cada hora, a costa cambia e flutúa con maxia propia.

Afirman os habitantes do lugar que a Punta Ferruxeda, a Punta do Corveiro e a Punta do Castelo son obra dunha vella que os transportou alí mentres fiaba a rocha, que son reis durmidos cos seus exércitos de pedra, que son morada de ananos e mouros, como o que sae da Fonte dos Tres Alcaldes na noite de San Xoán tocando unha gaita de ouro.

Technical information

Lat : 43.561298Lng : -8.2492807
3 years