Déjà inscrit ? Connectez-vous
Parque Naútico de Castrelo de Miño

Parque Naútico de Castrelo de Miño

O Parque Náutico de Castrelo de Miño é un complexo de ocio e deporte situado no corazón do Ribeiro a carón do Rio Miño.

Nos seus máis de 45.000 metros cadrados conta cunha gran zona axardinada con servizos de restaurante, cafetería, albergue, piscina e club náutico.

É un centro de referencia para deportes náuticos arredor da pista de competición de remo e piragüismo. Nas augas do Miño tamén podemos realizar paseos en catamarán, embarcacións a vela, táboas de windsurf e practicar natación.

Conta cunha gran afluencia de público que buscan bañarse e tomar o sol nos pantaláns así como participar das numerosas actividades festivas e artísticas que se celebran ao longo do ano. Ribeiro Blues Wine Festival, Solpores no Náutico, Festa da Anguía, Festa da Codorniz…

Entre os meses de xuño a setembro é posible realizar unha ruta en catamarán que permite gozar de fermosas panorámicas do val do Miño.

Nos meses de xullo e agosto abre o público a piscina municipal que conta con dous vasos, un infantil, e amplos vestiarios e zona axardinada para tomar o sol.

Tamén é o punto de partida e chegada da ruta de sendeirismo Roteiro do Miño - O Calvario - Coto de Novelle que percorre varios dos lugares de maior interese do concello e permite gozar dunha experiencia onde se combina o patrimonio, a natureza e as paisaxes do viño.

Infos techniques

Lat : 42.2942881Lng : -8.0999721
3 ans

Les hébergements à proximité