A ENSENADA DA INSUA

A enseada da Insua, a parte da súa singular beleza, é un dos lugares máis importantes para a observación de aves e que en calquera viaxe non se pode deixar de visitar.

Aquí recalan cada ano miles de limícolas e anátidas, sendo un lugar importante para a súa invernada.

Podemos ver cercetas, culleretes, asubiadores, patos frisados e gran variedade de limícolas.

Polo seu enclave e situación xeográfica, a maioría dos anos aparecen aves “raras”, esas que nas súas rutas migratorias de Asia ou América desvíanse e acaban aparecendo aquí.

A enseada é un espazo con distintos ambientes: dunas, extensos areais intermareales e zona de marisma, neste último poderemos observar escribentas, fuiña dos xuncos, rascón e demais paxaros asociados a esta contorna.

Existe un bonito paseo moi fácil de percorrer e que nos brindará boas observacións.

Estaremos atentos ao ceo, pois cun pouco de sorte observaremos o aguia pescadora, que regularmente sobrevoa a enseada en busca dalgún peixe.

A lingua de area serve de descanso para moitas aves, entre elas mazaricos reais (un dos mellores sitios para observalos), gabitas…e onde ademais cría o pillara das dunas.

A enseada posúe varios niveis de protección, entre eles, ZEPA, ZEC, ZEPVN e está incluída no Plan de Conservación da pillara das dunas.

Calquera hora do día é boa para visitalo, pois dun lado ou outro da enseada teremos o sol de costas.

É imprescindible o telescopio.

A mellor época de visita é de setembro a marzo.

PUNTOS DE OBSERVACIÓN DE AVES

 43.216329, -8.947018

 43.219799, -8.932272

 43.220945, -8.930007

 43.227021, -8.923105 observatorio

 43.226772, -8.923902 paseo

 43.241333, -8.907923 paseo

 43.241324, -8.922317 observatorio