Sen título

Saturno deu renda solta ao seu imaxinario neste mural do 2017, cheo de personaxes propias dunha película de fantasía de finais dos 80' ou se cadra das portadas dos primeiros videoxogos daquela época. Coas súas obras, este artista catalán invita ao espectador a viaxar a outros mundos e a deixar voar a imaxinación.

O mural de Carballo trátase dunha escena onírica onde a técnica e o estilo é a mensaxe principal da obra, creando personaxes e escenarios cunha técnica depurada e impecable do aerosol, conseguindo unha definición nos acabados e unha saturación na cor que non deixa indiferente.

Saturno é natural de Malgrat de Mar (Barcelona). A súa infancia estivo rodeada de cintas VHS, centros recreativos e salas de cine, e é nesa etapa cando descubre esta fascinación polos xéneros de fantasía, terror e ciencia-ficción. O seu contacto co graffiti é totalmente autodidacta e comeza a pintar sendo moi novo. Ver web do artista...