REPRESENTACIÓN DE SERPES DE AUGA II

Obra conxunta das artistas locais, Alita e Laura Tova, do 2016 na que realizan unha interpretación da obra do pintor austríaco Gustav Klimt, Serpes de auga II (1904-1907).

Seguindo a Klimt, a composición organízase en horizontal, nunha superficie onde se alongan os corpos espidos de modernas sereas. Son catro lánguidas figuras de muller que, no caso desta representación, mestúranse entre unha paisaxe nocturna chea de elementos orgánicos. A figura superior da esquerda aparece durmida de costas ao espectador, mentres que os dous rostros dos seu carón, parece que se achegan nun íntimo rumoreo. Destaca a personaxe do primeiro plano quen establece contacto co exterior coa súa mirada.

Esta idea de conexión da obra co espectador é reforzada coa ambientación de "sala de estar" que realizaron as artistas na parede contigua, que ten pintada unha lámpada e unha alfombra, aproveitando a presenza dun par de bancos, de mobiliario urbano.

Alejandra Martínez "Alita" é unha artista nada en Carballo que destaca coma muralista. Máis info na súa web...

Laura Tova é una artista carballesa que destaca en ilustración, aínda que tamén traballa outros formatos como o gravado e pintura e as súas obras tamén alcanzan grandes formatos como nos murais de Carballo. Ver web da artista...