O SILENCIO NO MEDIO DA TORMENTA

Isaac Mahow, con O silencio no medio da tormenta, trae a Carballo no 2016 un universo surrealista no que destacan dúas figuras enfrontadas que emerxen entre as augas, paraugas e outros símbolos definidos cunhas formas cortantes e limpas, mesturadas con outras sinuosas e degradadas, constantes que marcan o seu estilo persoal e recoñecible, cheo de simbolismos e metáforas visuais.
Según Isaac: "Imaxínome que se divide o indivisible cando a caída remata. Unha gota de auga é unicamente unha gota de auga ata que morre ao bater. Entón é moito máis, é un caos en expansión. Sei de paraugas onde colle máis dun ao cuberto da choiva, e onde non importa quén suxeita o mango, faino a man parva. Xusto alí pódense escoitar os asubíos de frechas que semellan enteiras pero que son só metades, porque non todas as frechas precisan ser deseñadas para facer dano, é máis, hai frechas que unen".

Isaac Mahow é un ilustrador e muralista aragonés con formación na ilustración e o deseño, é un apaixoado da escultura, da animación, dos contos infantís e do humor absurdo, que mestura todo baixo a influencia directa do graffiti. Ver web do artista...