Un das paisaxes máis espectaculares da costa galega, co impresionante monte Pindo erguendo majestuosamente os seus 627 m sobre o atlántico. A fervenza do rio Xallas, en Ézaro, precipítase 40 m, sendo única en Europa. No pobo de Carnota atópase o hórreo máis grande de Galicia con 35 m de longo. E a infinita praia de Carnota co seu 7 km de fina area.
Aquí atópase a Reserva Mariña de Interese Pesqueiro Vos Miñarzos.
E sobre todo destaca a desembocadura do rio Valdebois en Boca do Río, lugar idílico e refuxio de gran variedade de especies durante a época de migración e o inverno, destacando a gran cantidade de limícolas.
Nesta praia cría a escasa e protexida pillara das dunas.
No extremo sur atópase o pobo de Lira e a súa gran piscifactoría, onde a saída do tubo de auga á praia, é un bo lugar para gozar dunha gran cantidade de gaivotas alimentándose.
Toda a zona ten varias figuras de protección, ZEC dentro da Rede Natura 2000, ZEPVN, Área Prioritaria de Avifauna Ameazada e está dentro do Plan de Conservación do chorlitejo patinegro.
Os maiores puntos de interese para o observación de aves son a zona intermareal de Boca do Río e as zonas próximas á desembocadura da praia, o sistema dunar e a piscifactoría de Lira.
No mar, con telescopio, podemos buscar mobellas e pentumeiros. A mellor época do ano é a comprendida entre setembro e marzo, estando presente todo o ano a pillara das dunas.
Aquí é imprescindible o uso de telescopio, sendo boa calquera hora do día, con preferencia pola mañá.
PUNTOS DE OBSERVACIÓN DE AVES
LIRA:
42.801623, -9.146244
CARNOTA:
42.812554, -9.109704
42.827665, -9.104934
42.847803, -9.118525
BOCA DO RIO:
42.841692, -9.106319
42.840055, -9.103525
42.845981, -9.105059 (Observatorio)