Moi modificado o lugar co paso do tempo, só o topónimo lembra o papel do sitio nos usos e costumes do medievo respecto das prácticas que tiñan que ver coa impartición de xustiza. Tamén neste lugar se identificaba «A Pedra do Argazo», dende a que se convocaba aos veciños á recollida de algas.
A «picota» defínese coma unha forca ou columna de pedra ou fábrica que había á entrada dalgúns lugares onde se expoñían publicamente as cabezas dos axustizados ou reos.