O lugar coñecido como os Balcóns de Madrid é un espectacular miradoiro sobre o Canón do Sil, situado a 500 m de altitude,no límite superior do Canón do Sil.
Está situado nas proximidades da localidade de Parada de Sil. Para chegar a el seguiremos unha pista ben sinalizada que parte do pobo. O traxecto só nos levará uns minutos.
Grazas á súa estratéxica situación, dominando o río desde o alto, ofrece unha inmellorable panorámica dun dos tramos máis agrestes do Sil. No fondo do canón as augas flúen encajonadas entre verticais paredes rochosas. Desde as súas varandas alcanzaremos a ver o Santuario de Cadeas, situado na marxe lucense da Ribeira Sacra. En días claros gozaremos dunha vista aberta sobre boa parte destas terras. Os días grises e húmidos converten ao río e a súa ribeira nunha contorna misteriosa de brétemas e nubes baixas.
Está integrado na rede de rutas de sendeirismo que percorren a zona e tamén é un bo lugar para a observación de aves.