6. Os oficios artesanías do Castelo

Nos antigos edificios residenciais da fortaleza pódese visitar a “Mostra de Artesanía en Vivo”, unha exposición de artesanía aberta todo o ano no tocante o traballo do liño e o encaixe de bolillos, e complementada con outros oficios da comarca todos os fins de semana coas maquetas de barcos, artesanía do vidro, elaboración de zocos, traballos en pel, cestería e alfarería de Buño. Nos meses de verán, xullo e agosto, están presentes os artesáns todos os días.

Esta mostra, a medio camiño entre exposicións museográfica e exhibición do traballo dos artesáns, é froito da colaboración entre o Concello e Vimianzo e a Deputación Provincial de A Coruña para manter unha idea de manter viva a tradición artesán da comarca que comezou en 1994, nun edificio que agora mesmo é a cabeceira turística e patrimonial da Costa da Morte.

Entre os oficios máis populares mencionaremos a Olería de Buño e o Encaixe de Bolillos de Muxía, Camariñas e Vimianzo. Pola contra, é moi pouco coñecida a fonda tradición das palilleiras do concello de Vimianzo, máis concretamente da Terras de Nemancos. De aquí ven o nome a Asociación de Palilleiras “As Nemenquiñas” que agrupan a mulleres da localidade coñecidas polo emprego do fío de algodón e de liño nas súas pezas, cunha ampla variedade de produtos, pero con un tipo de puntilla moi fina e de complicada elaboración coñecida pola denominación de “ A Simona”, creada nun primeiro momento por dous veciños de Vimianzo, un comerciante de encaixe ,O Poulán, que encargou a unha muller moi habilidosa, a Simona, a elaboración dun novidoso encaixe que agora mesmo tamén utilizan as palilleiras de Camariñas e Muxía.