A importancia da xudaría medieval de Tui queda patente na conservación dentro da cidade histórica actual de varias vivendas do século XV que pertenceron a membros desa comunidade relixiosa. O exemplo máis importante é a «casa de Salomón», un destacado mercador de 1473. Un patio central organiza a vivenda, á cal se accede a través dun curto tramo de escaleiras. A casa queda aberta ao patio, nun exemplo único en Galicia. A fachada da casa, de liñas austeras, presenta dúas ménsulas a carón das xanelas, probablemente para as lámpadas da “hanukkáh”.
IMAXES
1. Entrada casa
2. Fachada