A sinagoga é o centro da comunidade xudía, espazo para a oración, para o estudo da tora e para que se reúna a comunidade. Anexo ao edificio relixioso atopábase o «micvé», o baño para a purificación nos rituais relixiosos.
A antiga sinagoga deixará de usarse en 1492 e é transformada en vivenda a partir do século XVI. A derruba parcial da muralla para a construción da residencia dos Sarmiento-Celaya en 1861 permitiu conservar o patio da sinagoga medieval, único existente en Galicia.