A Santa Casa de Misericordia será fundada en Tui seguindo o modelo das misericordias portuguesas. Os estatutos foron aprobados polo bispo Miguel Muñoz en 1542, o que fai desta Misericordia a máis antiga de España. Ao longo do século XVI ampliouse a primitiva capela, que presenta na súa fronte unha curiosa tripla portada que quedou rematada en 1571 coas obras da fachada central realizadas polo mestre Melchor Alonso Feal e que aínda se conserva. No interior gárdase o interesante retablo maior, manierista, e as imaxes de devoción da Semana Santa tudense.