O antigo hospital é unha obra impulsada polo bispo Juan Manuel Rodríguez Castañón en 1757 sobre o mesmo terreo do hospital medieval. Á parte do seu labor asistencial, o edificio tamén albergará as oficinas para os notarios e o cárcere eclesiástico na planta baixa. Nas dúas plantas superiores e arredor do patio barroco situábanse as diferentes pezas para os enfermos e enfermas, a capela, os cuartos do administrador e do cirurxián e mais a cociña.