CIDADE HISTÓRICA DE TUI

♫ ESCOITAR AUDIO

Os acontecementos históricos foron moldeando a cidade de Tui ao longo de máis de dous mil anos. A poboación local prerromana asentouse sobre o Miño, enriba dun elevado outeiro penedoso. Axiña ha acadar unha grande importancia estratéxica para o Imperio Romano, tanto pola súa vinculación cos portos fluviais do Miño como coa extensa rede de calzadas que, dende a cidade, se habían de espallar polo Noroeste.

Debido á crise urbana propia da Alta Idade Media, da antiga cidade romana e sueva só darán sobrevivido pequenos núcleos habitados, que, a partir do século XI, se converteron na base da cidade medieval. En 1170, o monarca Fernando II ordenará a construción dun novo perímetro amurallado no curuto do outeiro catedralicio, onde se acollerán mercadores, artesáns e minorías relixiosas como a xudía. A cidade medieval quedará integrada por tres elementos identificativos: o conxunto catedralicio, o casarío e mais as murallas.

IMAXES
1. Vista aérea actual

DESCARGASDebuxo Tui-Valença do Minho en 1509Plano de Tui en 1670Plano de Tui en 1777Plano de Tui en 1856