A FONTE DA SANTIÑA

Nos encontramos ao lado do que parece unha fonte moderna. Pero aquí había históricamente unha fonte, chamada da Santiña ou de Santa Margarita. Nas súas inmediacións estaba a igrexa parroquial de Santa María de Deixebre, trasladada no ano 1964 ao lugar dos Carballos, ao lado da estrada Santiago-Coruña. Deste antigo emprazamento da parroquial queda a antiga casa reitoral, que ten un reloxo de sol nunha esquina.

A fonte foi entullada pola obra da autoestrada, pero refíxose en 1997.

Hai fontes ás que acode a xente para realizar rituais diversos e que teñen que ver coa curación de enfermidades, con ritos adivinatorios ou propiciatorios da choiva. A esta fonte acodía a xente porque se supoñía que tiña propiedades curativas, xa que había a crenza de que a súa auga era boa para sandar a sarna e o mal da garganta. Frei Martín Sarmiento tamén a cita na crónica da súa viaxe de 1745.