A parede que bordea este pazo está rodeada de camelias, unha planta ornamental presente en moitos xardíns. A camelia é orixinal de China e Xapón e chegou a Europa traída por misioneiros e comerciantes, consolidándose como planta ornamental no século XVIII. A Galicia chegou probablemente procedente de viveiros portugueses. Na segunda metade do século XIX estaba presente nos xardíns de todos os pazos.
A camelia é unha planta moi popular que está actualmente en moitos parques públicos e xardíns privados. Con esta presenza ten moito que ver a existencia de activas asociacións dedicadas a promover la cultura relativa a su cultivo, coidado, coñecemento, promoción e historia. Neste sentido se ten promovido unha ruta das camelias, que é un percorrido polo patrimonio histórico que conforman os xardíns e os parques.
O xénero camelia agrupa a máis de duascentas especies. A Camellia japónica é a que está máis presente nos xardíns, como no do pazo de Mariñán, ao lado da ría de Betanzos. É unha especie de crecemento lento e a súa flor, bastante grande, aparece antes da primavera, cando as outras plantas non a teñen aínda.