A PONTE SOBRE O RÍO EUME

Imos cruzar a ponte sobre o río Eume, ponte que está na orixe do topónimo da vila de Pontedeume (Ponte do Eume).

Non hai probas houbese unha ponte na época romana, de habela non quedaron restos, polo que se supón que sería de madeira. A actual ten a súa orixe no século XIV (entre 1380-1386), seguramente baixo  a protección e iniciativa de Fernán Pérez de Andrade “O Bo”, a quen se considera promotor doutras pontes no territorio entre os ríos Xuvia e Lambre. Esta ponte chegou ter 78 arcos (outras fontes din que 63. Para Martín Sarmiento eran 61 e era estreito), que foron diminuíndo cos tempos; tiña dúas torres e no medio estaba un hospital para peregrinos, chamado do Espírito Santo, a cargo dos frades do convento do Monte Faro. No extremo do lado de Pontedeume estaban colocadas as esculturas dun oso e dun xabaril, símbolos da casa nobre dos Andrade. No extremo de Cabanas un cruceiro. Todos estes elementos “superfluos” á estrutura da ponte desapareceron entre finais do século XVIII e a primeira metade do XIX.

O que quedaba da ponte medieval foi substituída en 1870 por outra nova que durou só uns catro anos, pois en decembro de 1874 unha enchente do río levouna por diante. A imaxe actual da ponte débese a un proxecto de 1889.