O pan é un produto básico na alimentación do ser humano e, para o peregrino, o de Neda e un manxar.
Son varios os elementos que contribuíron a crear esta tradición e darlle sona, entre eles os numerosos muíños que se asentaban no seu territorio, especialmente no río Belelle, á calidade e pureza das súas augas, xunto a do cereal, así como a súa situación na proximidade da cidade de Ferrol. Primeiro, cando se necesita pan para os barcos da armada española e se fai aquí o “pan mariñeiro” ou “galleta mariñeira”; despois, cando aumenta considerablemente a poboación a partires da segunda metade do século XVIII. De feito, en 1752 prohíbese ás panadeiras de Neda vender pan dentro do Arsenal de Ferrol, o que provocou unha folga.
Hoxe o pan de Neda mantén a súa tradición, os panadeiros seguen facendo os pans a man e utilizando o chamado “trigo do país”. O pan de Neda ten o rexistro de Marca de Calidade e son varias as panaderías que existen neste municipio. Desde hai 25 anos se celebra, a comezos de setembro, a Festa do Pan de Neda, declarada de Interese Turístico pola Xunta de Galicia. Tamén hai una ruta do pan.