Este río nace no municipio das Pontes de García Rodríguez e ten un percorrido pequeño, que non chega aos 30 km., pero sen embargo destaca pola beleza das paisaxes que forma e pola importancia das súas augas en relación á historia desta comarca de Ferrol.
En canto ao seu percorrido destaca a fervenza, coñecida como A Fervenza do Belelle, e considerada unha das máis belas de Galicia cuns 40m. de caída. A súa desembocadura, a pouca distancia deste punto e xunto á Ribeira de San Nicolás, é un lugar de tranquila e apracible beleza.
En canto ao seu aproveitamento o río ten unha longa historia. Primeiro hai que mencionar os varios e importantes muíños que se sitúan nas súas beiras, algúns a medio quilómetro de aquí río arriba, e que contribuíron a darlle importancia ao pan na historia de Neda. Para potenciar esta actividade muiñeira abriuse unha canle que sae do río e que chega ao mar en paralelo a este. É o río Basteiro.
No século XVIII as súas augas eran consideradas como ideais para o branqueo das velas dos barcos. A finais do XIX empézase a construción da traída de augas para subministrala á cidade de Ferrol e, a comezos do XX, se constrúe na súa beira unha das primeiras centrais eléctricas de Galicia; e tamén eran recomendadas polos médicos.