Déjà inscrit ? Connectez-vous
PORTA DO ARSENAL

PORTA DO ARSENAL

Esta é unha das portas que daban acceso ao Arsenal Militar, e coñecida como de Carlos III. Foi construída a mediados do século XVIII e reconstruída en 1857. As outras portas do Arsenal son a chamada do Dique e a do Parque. A Porta do Dique está coroada polo escudo do rei Carlos III e un reloxo, que marcaba o ritmo dos traballos no Arsenal, pero tamén marcou o ritmo da cidade.

A cidade de Ferrol adquire importancia coa súa designación como capital do Departamento Marítimo do Norte (1726) e a construción do Arsenal, que se realiza entre 1752 e 1770. O Arsenal tiña varias funcións relacionadas coa mariña de guerra, que ían desde a construción de barcos, a toda a loxística relacionados con eles e á defensa e control militar. Para a súa protección construíuse unha gran dársena, defendida por un potente espigón que se armou cunha batería de canóns. Por terra estaba rodeado por unha muralla e un foso que o separaban do resto da cidade. O foso  foi cegado a finais do século XIX.

A arquitectura do Arsenal atende á funcionalidade e á forma, resultando unha obra impoñente. O Arsenal quería mostrar o poderío da monarquía e era un símbolo da grandeza do Estado. Fronte ao Arsenal  levantouse o barrio da Madalena, trazado tamén por enxeñeiros militares.

Na actualidade dentro do Arsenal están as instalacións da empresa naval Navantia. O Arsenal foi declarado Ben de Interese Cultural e pode ser visitado. 

Infos techniques

Lat : 43.480102Lng : -8.2219413
0 m
2 ans

Les hébergements à proximité