Consérvanse neste lugar unha ruínas correspondentes a unha antiga vivenda, abandonada dende tempo inmemorial, que cobran un especial interese ao atoparse un documento medieval que cita a existencia dunha capela no lugar.
No ano 2012 leváronse a cabo unhas escavacións arqueolóxicas que puxeron ao descuberto gran cantidade de cerámica medieval. Sitúase o San Salvador mesmo por riba da Pena dos Mouros, onde se di que -“dela parte un túnel que cruza o río por abaixo, polo que ían as mouras tende-la roupa ao outro lado”.