Already registered ? Log in
Necrópole Rupestre de San Vítor de Barxacova

Necrópole Rupestre de San Vítor de Barxacova

Este xacemento, incluído no inventario de xacementos arqueolóxicos da Xunta de Galicia coa clave GA32057004, despois dos últimos traballos de investigación entre 2010 e 2014, situouse á cabeza no coñecemento sobre este tipo de sitios en Galicia, téndose practicado unha intensa actividade de difusión e propagación dos resultados mediante conferencias, publicacións, videos, webs, blogs, foros, prensa, etc.

O xacemento componse de dúas partes diferenciadas: por un lado a peneda descrita, colgada na extrema pendente e que constitúe un mirador natural extraordinario, e por outro, un afloramento granítico sobresaínte na ladeira na que se sitúa a Necrópole. Consérvanse os alicerces da capela no alto da peneda e téñense contabilizado 56 sartegos escavados na rocha, mostrándose como a necrópole deste tipo máis extensa de todo o noroeste peninsular e dende logo a mellor estudiada e difundida. Localizáronse ademáis unha serie de rebaixes e restos que demostran a existencia de ruinas anteriores ao momento de vida central do xacementos, situado no século X, ademáis de saber da súa pervivenza polo menos ata o século XV.

Ademáis do número de sepulturas, o lugar ten unha importancia vital a nivel arqueolóxico, xa que mostra o lugar sen alteracións posteriores dende o seu abandono. Pódense observar elementos concretos interesantes, como as tampas dos sartegos, osarios e probas da súa reutilización, o que constitúe unha información primordial para o entendemento deste tipo de espazos.

Technical information

Lat : 42.3736772Lng : -7.5027307
0 m
5 years

Lodgings nearby