RÚA MAGDALENA, 125

Edificio medianeiro de vivendas que conserva, a pesar dalgunhas alteracións posteriores, boa parte das características que definían as arquitecturas do barrio da Madalena de finais do século XVIII e comezos do XIX.

Trátase dun inmoble de tres andares, con fachada marcada orixinalmente pola simetría, hoxe en día alterada polas reformas da planta baixa, e organizada en tres eixes verticais que se corresponden coa apertura dos vans.

No eixe central obsérvase unha grande galería que unifica as plantas nobres da vivienda, a situada no primeiro andar é un engadido que substitué ao balcón preexistente, mentres que a do piso superior é orixinal do s. XVIII tendo o tradicional sistema de apertura “ á inglesa”.

Nos laterais as fiestras contan con pequenos balcóns voados protexidos por reixas de ferro forxado de estilo barroco.

Os muros son de cachotería revocada e resérvase a cantería de granito para o contorno de fiestras, portas e para a cornixa da parte superior.

Todo interior do inmoble presenta un excelente estado de conservación, destacando especialmente os frescos no teito do salón da planta principal realizados polo pintor E. Bacorelli (1856).