CAPELA DAS ANGUSTIAS

Esta Capela - Santuario garda a figura da Virxe das Angustias, unha das imaxes relixiosa máis veneradas da cidade. Foi precisamente esta Irmandade a que impulsou esta obra, creada para canalizar a devoción existente por esta santa, especialmente no barrio de Esteiro. 

O novo templo comézase a construír, aproximadamente cara ao ano 1780, nus terreos que unen o barrio de Esteiro coa alameda da cidade tendo proceso construtivo lento estando rematada a igrexa no ano 1788. Non sabemos con exactitude o nome do arquitecto encargado da obra que segue unha tipoloxía de planta rectangular dunha soa nave dividida en dous tramos cubertos con bóveda de canón na que se abren unha serie de lunetos para dar luz ao interior do templo. Ao exterior segue a típica configuración dos edificios ferroláns desta época, utilizando a cantaría para as zonas de esquina e recercado de elementos e deixando o revestimento de recebo branco para o resto dos paramentos. 

A torre campanario orixinal foi destruída por un temporal a principios do século XIX e substituída pola actual levantado en 1852.