Tanto en Arou como en Camelle moitos dos seus veciños teñen trazos nórdicos. O historiador Chao Espina comenta que nestas dúas poboacións existiu a chamada “Xunta de Nordemán”, un pacto de non agresión mediante o que había que conceder favores como a cesión das mulleres. Aquí, sinala, “os nenos teñen o pelo rubio e ollos azuis como os homes do Norte, pero ao medrar, tórnase escuros. As invasións vikingas a Galicia realizáronse entre os séculos VIII e XI.
A praia urbana de Arou é unha das mellores para o baño de todo Camariñas. Con forma de media lúa, augas tranquilas e area branca, está moi resgardada do vento. Durante o verán conta con limpeza diaria, salvavidas e patrulla da policía local.
Dun dos extremos parte un paseo de madeira moi agradable para despedir os días máis longos. Cara ao lado contrario, a 2 km. bordeando a costa vas cara á Camelle. En coche son uns 10 minutos e andando, unha media hora.
De fronte tes as illas Lobeiras onde medra o marisco máis prezado nas cartas gastronómicas, o percebe, que require de zonas batidas. A historia deste pobo tamén está ligado a numerosos naufraxios como o do Santa María, C. Monteagudo ou Nil.
O tramo entre cabo Vilán e Arou é zona Rede Natura 2000 de especial atractivo paisaxístico e gran riqueza biolóxica protexida.
VIDEO: A pesca en Camariñas “Mar de saberes e sabores”
VIDEO: Spot de Camariñas “Na beira do mar”