O porto é o centro neurálxico de Camariñas. Barcos que van e veñen, apeiros de pesca con pátina de sal, homes e mulleres do mar que chegan con tesouros exquisitos para os padais máis esixentes: polbo, sardiña, xurelo, ourizos, percebes.. Ameixas, navallas ou longueiróns das augas tranquilas da ría. Cada un ten a súa época e vedas.
Pasear polo porto é unha experiencia. Os barcos do día, que utilizan artes menores e saen a faenar nas horas de máis luz e volven a primeira hora da tarde. Pola outra, os barcos de cerco ou palangre de fondo, máis grandes que os anteriores (máis de 50 toneladas). Saen sobre as 19.00h e volven ao amencer.
Estas mesmas embarcacións son as que cada 16 de xullo, festividade da Virxe do Carmen, se engalanan para levar a súa patroa en solemne procesión. No peirao tamén se sitúa a sede da Confraría de Pescadores, a organización profesional na que se organizan os mariñeiros.
O municipio ten outro porto importante, Camelle, e portos artesanais en Santa Mariña e Arou.
A lonxa de Camariñas ten a particularidade de que a tradicional poxa cantada se substituíu por métodos electrónicos que facilitan a venda antes de chegar a porto.
Non obstante, o antigo lonxeiro deixounos un documento sonoro sobre o seu traballo que podes oír a continuación.
AUDIO: Poxa na lonxa
AUDIO: Danza de Arcos e procesión Virxe do Carmen
VIDEO: A pesca en Camariñas "Mar de saberesy sabores"