MODELOS DE PESCA, EMBARCACIÓNS E APARELLOS DESAPARECIDOS

Entre o s. XVI e finais do XVIII, e antes de que os cataláns chegasen coa arte de pesca da xávega e a salgadura, en toda Galicia, incluída Camariñas, practicábase outra arte de pesca coñecida como “cerco real”. Este era un sistema comunitario no que cada mariñeiro tiña a súa parte e, segundo a cal, despois era retribuído: o chamado “quiñón”.

Cada mariñeiro gardaba un anaco de rede na súa casa e en setembro, na época de ir á sardiña, xuntábanas. O “ateleiro” supervisaba e cosía a gran rede que chegaba a medir 1 km que era manexada por dúas pinazas (embarcación de vela ou de remo, lixeira e co fondo aplanado).

Na hora da pesca, as embarcacións grandes cercaban e as pequenas estiraban a redes. As capturas repartíanse entre os participantes.

Dá agora un paseo pola dársena antiga de Camariñas. Desde aquí podes ver a actividade do porto desde outra perspectiva e se miras de fronte (oeste) a desembocadura do río Grande. Se continúas cara ao sur irás á punta do Castelo, onde ver o antigo baluarte da Batería do Soberano.

VIDEO: A pesca en Camariñas “Mar de saberes e sabores”