TRÁXICO RECORDO DUN NAUFRAXIO

Atópaste na rúa Alcalde Noriega Patiño, moi preto do porto de Camariñas.

A fachada desta casa coñecida como “Casa das Romualdas” foi o lugar elixido para colocar este barómetro doado polo capitán do acorazaido inglés HMS Serpent. Con este regalo quixo agradecer a axuda e a valentía do pobo camariñán durante o naufraxio (10/11/1890) no que morreron 172 persoas das 175 da tripulación. Só se salvaron tres.

Busca a furna de madeira situada nun dos laterais da fachada. A vivenda data do século XIX e pertenceu a un emigrante que fixo as “américas” en México e volveu para quedar.

Xunto co barómetro, o almirantado inglés tamén lle regalou unha escopeta ao cura de Xaviña coa inscrición na culata “The Lord Commisioner of the British Almiralty”, e un reloxo de ouro pra o alcalde de entón, Vicente Pérez. Destes últimos agasallos non se sabe nada na actualidade.

VIDEO: O Cemiterio dos Ingleses “O noso mar de Albión”

VIDEO: Os naufraxios de Camariñas “Historias do mar”