A praia do Cárcere Vello é un pequeno areal situado detrás da praza Eduardo Vila Fano, o lugar onde se concentra gran parte do patrimonio histórico da vila, datado no século XVI.
Segundo á lenda, o seu nome provén do cárcere situado no Pazo dos Condes de Graxal, que estaba unido coa igrexa parroquial da Nosa Señora do Socorro, por un túnel secreto que derivaba aquí, no seu areal máis próximo.
Accédese á praia por unhas escaleiras de pedra, situadas detrás do edificio da Confraría de Pescadores, onde tamén podes visitar o Museo do Arquivo da Pesca.
A forma do areal varía coas mareas e en baixamar únese coa praia Caracoleiro e a das Salseiras, a principal praia de Caión onde acostuma ondear a bandeira azul.
Desde aquí, podes continuar ata o porto, pasear pola vila e coñecer o seu pasado baleeiro ou tomar á dereita e seguir a senda peonil.
Calquera que sexa a túa opción, levarate a descubrir lugares históricos e a gozar dun litoral tan abrupto como encantador.
Continúa a ruta ata As Salseiras con audioguía
Visita a praza Vila Fano con audioguía