MIRADOIRO SOBRE A COSTA

As mellores fotografías da costa atlántica norte podes obtelas neste miradoiro. Cun só impacto visual, convérteste en testemuña da beleza da baía e a península na que se sitúa a vila de Caión.

Seguindo a mirada polo litoral, á dereita, verás a pequena vila mariñeira, a primeira da Costa da Morte e a única saída ao mar do concello de A Laracha.

Desde aquí podes apreciar a beleza da súa praia, ideal para practicar surf e outros deportes acuáticos. É un areal concorrido, onde acostuma a ondear a bandeira azul como certificado da súa calidade.

Toma aire e respira profundo, sentirás como o mar te convida a baixar e probar as súas augas.

Se miras máis ao leste, atoparás o santuario da Virxe dos Milagres, onde cada 8 de setembro se celebra unha romaría declarada de Interese Turística de Galicia.

Visita Caión
A menos de cinco minutos en coche está Caión, unha antiga vila baleeira que che ofrecerá todo o que precisas para gozar do descanso.

O Museo do Arquivo da Pesca, os edificios históricos da praza Eduardo Vila Fano, o porto pesqueiro e o seu paseo marítimo serán os guías de esta fermosa viaxe.

Se che apetece tomar un aperitivo e gozar de boa gastronomía, os locais hostaleiros de Caión son o lugar ideal para conseguilo!

Como chegar a Caión

Coñece a Rede Turística de Caión

Coñece máis sobre o paseo e as praias neste vídeo