BALDAIO: PRINCIPIO Y FIN DE LA SENDA DEL MAR

"Senda do Mar" é un proxecto promovido polo Concello de Carballo e financiado con fondos europeos a través do GAC3. Consiste nunha ruta autoguiada por códigos QR que che levarán dende aquí ata o porto de Razo, percorrendo así o espazo natural Razo- Baldaio.

Nesta ruta encontrarás información sobre a paisaxe, a biodiversidade, a gastronomía, o ocio e as tradicións deste espazo e do municipio de Carballo, poñendo así en valor o litoral carballés como recurso natural, pero tamén como un medio imprescindible para entender a idiosincrasia da zona.

O areal Razo- Baldaio é un dos máis concorridos no verán polos visitantes que se achegan á bisbarra da Costa da Morte. Tras anos sendo distinguida coa bandeira azul, a zona de praia de Carballo consolidouse como un paraíso dos deportes náuticos, no que o surf é o rei. Pero ademais das actividades turísticas, a riqueza ambiental e a importancia da biodiversidade da zona fan desta franxa costeira un dos puntos máis interesantes para interpretar o ámbito mariño. Exemplos son as formacións dunares, a marisma de Baldaio, os acantilados de Razo...

Empeza aquí a ruta, que che levará ata o porto de Razo. Queres velo agora?.

Pois mira o seguinte vídeo sobre este pequeno canto da costa de Razo.