PORTA DA COSTA DA MORTE

Dende o punto no que te encontras, se está a marea baixa, poderás ir camiñando polas rochas que tes en fronte ata a punta da coñecida como Pedra do Teirón, na que seguro encontrarás algúns pescadores e nenos bañándose nas pequenas piscinas naturais que se forman.

Agora mira cara á esquerda. Ese arquipélago que ves é o das illas Sisargas, que pertencen ao veciño municipio de Malpica. Son un dos puntos marcados no mapa dos naufraxios que deron nome á Costa da Morte, da que Carballo ten a honra de ser a súa porta de entrada.

A Costa da Morte é lenda, é historia, é vida. Neste punto as súas augas ocultan cidades mergulladas e restos de naufraxios. Fíxate ben e poderás ver se os arroaces te acompañan na busca destas historias lendarias.

Vídeo: Carballo, porta da Costa da Morte