Estás no lugar coñecido como Lavadoiro Surixano, situado ao final do regato do mesmo nome. Hai anos aquí viñan lavar a roupa a man as veciñas de Fisterra, hoxe é unha obra de arquitectura civil recoñecida e contemplada no Plan Director do Cabo Fisterra como localización estratéxica.
A Ruta Mar de Fóra, coñecida tamén como Camiño da Insua, é unha estrada moi transitada polos turistas que van ata a esta praia salvaxe despois de visitar a igrexa e o recinto de Santa María das Areas (declarada Ben de Interese Cultural (BIC) xunto co cruceiro, o camposanto, o adro e o cabido). Os peregrinos adoitan chegar ao areal cruzando a zona histórica ata o colexio Mar de Fóra e de alí, por San Roque ata o mar.
Fíxate nos códigos QR que vas ir atopando na beira do camiño para ir ampliando información do que ves: o Muíño do Prado, o lugar coñecido como a Insua, os Socalcos da Insua e a praia de Mar de Fóra.
Empeza a escoitar o son do mar seleccionando o seguinte audio:
Audio mar de Fisterra