Déjà inscrit ? Connectez-vous
O CEMITERIO DO FIN DO MUNDO

O CEMITERIO DO FIN DO MUNDO


Situado na ladeira leste do Promontorio Nerio, é dicir, do Cabo, o cemiterio fusiónase coa natureza, nun punto no que sempre se fundiron a terra, o mar e o ceo. Baixa polo camiño que tes á túa esquerda para atoparte cunha das obras galegas máis premiadas. Se levantas a vista, de frente a ti, a beleza tranquila da ría de Cee e Corcubión, o monte Pindo (627 m) e incluso, a península do Barbanza ou a extensa praia de Carnota.

O autor da obra, o arquitecto César Portela, partiu da idea clásica de cemiterio libre, adaptándose á topografía e sen construcións que o illen. Son 14 cubos de granito (168 nichos) que miran ao mar desde o acantilado. A maiores, hai un oratorio e unha sala de autopsias. Estas pequenas construcións, como se fosen rochas aleatorias, sitúanse nos carreiros que discorren pola ladeira do monte.

O simbolismo é evidente. No cabo que marca a “a fin da Terra” levántase o lugar de descanso cando chega a fin dunha vida. Trátase dun espazo creado para o tránsito do terreal e o celestial. A luz, a última luz no cabo Fisterra, é tamén central na idea deste cemiterio. Orientado ao sur, aproveita a posta de sol e consegue unha iluminación singular en cada atardecer.

Este camposanto está incluído na Ruta Europea de Cemiterios, sendo un dos máis destacados dos 50 que forman a lista e o único de Galicia. Desde a súa construción en 1998, ninguén foi enterrado no lugar.

Infos techniques

Lat : 42.892878408061Lng : -9.267734053334
0 m
5 ans

Les hébergements à proximité

En poursuivant votre visite, vous acceptez l'utilisation de cookies permettant d'améliorer votre navigation. Pour en savoir plus, cliquez ici. Vous avez également la possibilité de refuser la publicité personnalisée.