SANTA MARÍA DAS AREAS

A igrexa parroquial de Santa María das Areas de Fisterra (s. XII) érguese na falda do monte do Cabo. É o principal templo da vila e no seu interior custódianse as imaxes do Santo Cristo de Fisterra ou da Barba Dourada, a talla da patroa, a de San Roque ou a de Santiago Apóstol, que tamén chegou a estas terras para continuar co seu labor apostólico. Os principais actos litúrxicos da Semana Santa celébranse no seu interior ou no campo que ves ao seu lado.

Aínda que non conta cun culto xacobeo propiamente dito, aquí paran moitos peregrinos antes de acabar o seu Camiño no Cabo de Fisterra e nos Anos Xacobeos, ábrese a Porta Santa.

Onde agora está situado o cemiteiro, xusto en fronte da fachada principal, había un hospital de peregrinos (s. XVI).

Selecciona un dos seguintes temas para coñecer máis sobre a historia deste templo.