Miradoiro de Fedorentos

Desde este fermoso miradoiro, en Fedorentos, poderemos gozar nun primeiro plano da redondeada illa de Onza, que sempre se mantivo deshabitada.

En medio, entre Ons e Onza, unha canle, a Porta, e xa detrás unhas magníficas vistas da costa sur galega co perfil das illas Cíes, a costa da Vela, punta Couso, cabo Udra, ría de Aldán, Bueu, ría de Pontevedra, o perfil da península do Morrazo ou das serras do Galiñeiro e da Groba.

Podemos imaxinar o riquísimo patrimonio marítimo histórico sumerxido en forma de naufraxios e pecios, reflexo de innumerables sucesos, circunstancias e acontecementos de distintas épocas históricas, xa ben conflitos bélicos, actividade pesqueira ou rutas comerciais .

Tamén facemos referencia ao espectacular faro de Ons que contemplaremos desde diversas perspectivas na nosa estancia na illa, todavía hoxe habitado por torreiros.

Do mesmo xeito, dende este lugar, poderemos atender á presenza dos mamíferos mariños, habituais ou esporádicos, en migración ou varamentos, que aparecen nas nosas costas e nas augas do Parque Nacional e do arquipélago de Ons.