A furna do Buraco do Inferno

Lugar idóneo para observar as furnas e os cantís, destacando a singular furna do Buraco do Inferno, onde o continuo bater do océano construíu esta curiosa formación xeolóxica, que se comunica co mar entre os verticais cantís litorais desta zona da illa mediante a súa boca de entrada horizontal, de máis de 40 m de lonxitude, e unha sima (o Buraco) cunha caída vertical de 43 metros de profundidade e 5 de diámetro.

O Buraco do Inferno é por tanto unha furna que conta coa excepcionalidade de ademais de ter a súa boca de entrada a carón do mar, ter o teito derruído pola erosión que afectou nese punto, formando o propio Buraco, ademais da multitude de lendas, incógnitas, enigmas e misterios agochados e asociadas a esta furna por parte dos veciños da illa de Ons ao longo da súa historia.

Tamén nos sorprenderá a presenza de dúas cruces de mala morte no entorno do Buraco, en lembranza de quen morreu por mor da perigosidade que entrañan estes cantís e o as augas do mar circundantes.