Melide

A praia e o sistema de dunas de Melide constitúen un lugar idóneo para observar, interpretar e comprender a importancia destes ecosistemas ademais de poder mergullarnos, física ou virtualmente no medio mariño, onde se atopan os ecosistemas submarinos que máis riqueza, biodiversidade e valor albergan no Parque, circunstancia que motivaría a declaración das illas como Parque Nacional.

O 86 % da superficie do Parque é marítima, dando conta da inmensa riqueza que teñen os seus fondos mariños.

Tamén poderemos entender fenómenos tan determinantes como a influencia das mareas, os afloramentos, e outros tan chamativos como a ardora ou ardentía.