Barrio de Canexol

Aquí neste punto, situados no barrio de Canexol, entre o seu areal, os hórreos con celeiro, un pequeno conxunto de vivendas na que destaca a Casa reitoral entre dous grandes hóreos, un outeiro enriba, onde se atopa o castro do Castelo dos Mouros, e debaixo a vella ermida e o cemiterio.

Poderemos logo comprender as pasaxes da historia e a etnografía dos habitantes da illa de Ons desde a Prehistoria á Actualidade a través dos restos arqueolóxicos, das diferentes épocas históricas, a súa poboación, as crenzas, vida cotiá, lendas ou mitos, asociados todos eles a unha cultura popular singular e  insular por periodos illada e dotada dunha gran identidade, unha cultura propia, de seu.

Iremos descubrindo así o modo de vida, tradicións, usos e costumes dos habitantes dunha comunidade insular nas Rías Baixas de Galicia. Foron e son os habitantes da illa de Ons.