Ubicado no edificio sé do Parque, está dividido en tres espazos diferenciados. No primeiro atópase a recepción, é a pel das illas onde nas columnas e mobles expositores represéntanse liques e carriza sobre as rochas graníticas das illas. Achegámonos aquí á información xeográfica cun mapa fotográfico e maquetas das illas. Catro carteis, invitan a percorrer visualmente as illas do Parque.
Outras dúas maquetas representan a biodiversidade diurna e nocturna con especies mariñas e terrestres, a ardora, as mareas e a influencia da lúa.
O segundo espazo, o corazón das illas, con instalacións multimedia e elementos expositivos de información xeral das illas, mediante a percepción contemplativa, a través de vídeo, fotografía, pintura, escultura ou son, estimulando os sentidos da vista, tacto e oído a partir de cabinas teletransportadoras, esculturas en bronce, que reproducen especies do Parque de uso gastronómico, como o polbo, percebe, champiñón, nécora e ostra, relevos en metacrilato, con especies que conteñen na súa forma, evidencias da matemática oculta da natureza, e catro flores do Parque, en lenzos pintados ao óleo segundo o estilo de catro artistas famosos
O terceiro espazo representa a pel das illas nunha sala con sete libros xigantes onde se contan aspectos da historia e da etnografía das illas ou mesmo sobre a pesca tradicional, o mundo oculto e fotos antigas.
Un vídeo sobre a situación global do medio ambiente, frases da literatura ecoloxista, e un mural sobre as Heroínas de Sálvora e o naufraxio do "Santa Isabel" completan esta sala.