MONTE FARO

Desde o alto de Monte Faro a 184 metros sobre o nivel do mar, contemplamos as augas de Cíes circundantes ás illas, puidendo así imaxinar o riquísimo patrimonio cultural e histórico sumerxido en forma de naufraxios e pecios, reflexo de innumerables sucesos, circunstancias e acontecementos de distintas épocas históricas a través de conflitos bélicos, a pesca, rutas comerciais ou a busca de tesouros sumerxidos e agochados no fondo do mar de Cíes.

Tamén nos podemos recrear coa imaxe do "Nautilus" do capitán Nemo, plasmando a súa silueta en Cíes e na Ría de Vigo, aprovisionándose destes suculentos tesouros da Batalla de Rande, segundo narra Xulio Verne, na súa novela, " 20.000 leguas de viaxe submarino".