Xa inmersos na masa frondosa que domina a superficie terrestre da illa de Cortegada poderemos comprender os cambios acontecidos na súa paisaxe ao longo do tempo, diferenzar as especies máis abondosas e significativas que nos atoparemos, coñecer as aves terrestres predominantes no interior do bosque e mesmo as que se atopan no litoral ou no medio mariño.
Tamén poderemos descubrir o seu singular e extraordinario bosque de loureiros, que alberga unha gran riqueza e biodiversidade.