Dolmen de Pedra Moura: Entre a lenda e a historia

O dolmen de Pedra Moura é un dos máis grandes de Galicia. Ao redor del mestúrase a lenda e a historia, que nacen das explicacións ben dispares que á súa orixe lle deu a tradición popular e o saber académico.
A lenda dinos que as grandes pedras que o conforman (sete en orixe) foron carrexadas dende o Petón de Calvelo por unha moura, personaxe mitolóxico característico da tradición oral galega, mentres fiaba e aleitaba a unha criatura.
A historia sitúa a súa construción entre o 3.500 e o 2.700 a. Cr. Nesta que foi época de apoxeo da cultura megalítica, os dolmens eran monumentos funerarios, probablemente empregados para enterramentos colectivos. Algúns deles, como acontece co de Pedra Moura, contaban cun corredor orientado normalmente cara ao leste, no caso de Pedra Moura cara ao ao lugar onde nacía o sol nos equinocios de outono e de primavera, ese momento do ano no que os noites son de igual duración.