A Ruta das Férvedas remata xunto á fervenza de Entrecruces, onde o río Outón se precipita ao baleiro dende máis de 40 metros de altitude.
Ao lado da fervenza de Entrecruces podes atopar os restos de antigos muíños e dunha vella central hidroeléctrica que, dende 1915 e durante un tempo, abasteceu a Carballo de enerxía eléctrica.
Hai uns anos, a oposición cívica impediu que se volvese construír unha nova central neste lugar de gran valor paisaxístico e paralizou un proxecto para levar a traída de augas dende ese punto.