Alert
Alerts
Ruta das férvedas: Onde Carballo rompe augas
Description
A ruta das férvedas levarate, ao longo de máis de 18 quilómetros, polo interior do concello até chegar ao seu corazón líquido: as fervenzas de Ramil, en Rus, e de San Paio, en Entrecruces.
O roteiro conducirate por dúas das construccións arquitectónicas máis antigas do concello: o pazo de Vilardefrancos, ao que chegarás por unha variante, e a capela de San Paio, as dúas do século XVI.
O camiño levarate polos máis segredos recunchos da Depresión Meridiana, unha importante fondeira que nace en Razo e percorre Galicia de Norte a Sur até chegar a Tui. Divide as parroquias de Rus e de Entrecruces na Alta e na Baixa, e sobre ela saltan as fervenzas de San Paio e Ramil.
En San Paio encontrarás os restos dunha central hidroeléctrica, que foi a primeira en abastecer a vila a principios do século XX, e varios muíños de auga restaurados.
Technical Information
Altimetric profile
Data author
