É esta unha das pontes históricas máis estreitas de toda Galicia. Durante séculos, foi atravesada polos pasos dos camiñantes e polas rodas dos carros até que a construcción doutras pontes sobre o río fixo que caera en desuso.
Nada se sabe de certo sobre a orixe desta ponte, que ten a cada un dos seus extremos os concellos de Coristanco e de Carballo. Hai quen di que é romana e hai quen a sitúa no medievo ou mesmo en épocas posteriores. Mais parece ser que a Per Loca Maritima, importante vía de comunicación romana que comunicaba Gallaecia de norte a sur e unía Braga con Astorga pola provincias costeiras, cruzaba o río Rosende xusto por este punto.
A ponte seguíu a ser importante lugar de paso ao longo do tempo. Séculos despois foi o camiño real que ía da Coruña até Fisterra o que atravesaba por aquí.